Najot Ta'lim - zamonaviy kasblar o'rgatiladigan o'quv markaz.
O’tgan yili o'quv markaz vodiyda fillial ochdi. Undan avval markaz rahbariyati bizga murojaat bilan chiqishgan edi.

Najot Ta'limni Toshkentda ko’pchilik taniydi ammo vodiyda deyarli taniqli emas. Yaqin kunlarda onlayn platforma va vodiyda filial ochiladi. Ungacha esa brend taniqliligini oshirish kerak.

Biz nafaqat vodiydagi balki butun O'zbekistondagi yoshlarni o'rganib chiqdik. Va natijada yoshlar muvaffaqiyatni ta'limdan ko'ra boshqa manbaalar: tanish bilishlar, hashamatli uy, obro', dang'illama to'y, diplom, chet elga qora mehnatga ketish bilan bo'glashini kashf etdik.

Yuqoridagi vaziyatdan kelib chiqib, Najot Ta’limga ikki qismga bo’lingan kampaniyani taklif etdik.
Birinchi qismda brend nomi tilga olinmagan xabar bilan chiqamiz. Kampaniyaning ikkinchi qismida esa avvalgi xabar aslida Najot Ta’limning reklamasi ekanligini ochiqlaymiz.

Birinchi qismda bannerlarda quyidagi savollar paydo bo'ldi: Najot - Diplomda?, Najot - Surishda?, Najot - "Tanka"da?, Najot - Hashamatli Uyda?, Najot - Obro'da?, Najot - Dang'illama To'yda?
Bu bannerlarda biz odamlarga najot aslida nimada ekanligini o’ylab ko’rishni taklif qildik.

Keyin bu bannerlar bir tiyin to’lovsiz deyarli barcha katta telegram kanallarda tarqalib ketdi. Odamlar rostan bu haqida o'ylab ko'rishni boshladi.

Keyin xatto birinchi bannerlar kimlargadir yoqmadi va bannerlarimizni yechib tashlashdi. Va shu hodisa ham zudlik bilan kanallarda tarqaldi. Yana bir tiyin to’lovsiz.